4 ka batan-ong durugista sikop sa Minglanilla
CEBU, Philippines — Upat ka batan-ong durugista ang sunod-sunod nga nasikop sa lungsod sa Minglanilla kagahapon sa kadlawon.
Unang nasikop mao si Marjorie Dela Cerna, 26 anyos nga taga Alaska Mambaling, Syudad sa Sugbo.
Napalitan siya sa mga operatiba og drugas og nakuhaan og 10 ka gagmay nga pakite sa shabu didto sa sitio Upper Calajoan.
Mga ala una sa kadlawon, nadakpan si Julius Ybañez, 23 anyos didto sa sitio Upper Pakigne ug nakuhaan siya og walo ka gagmay nga pakite sa shabu.
Nadakpan si Ma. Ericka Caballero, 20 anyos didto sa sitio Santo Niño, Calajoan.
Nakuha gikan kaniya ang walo ka pakite sa shabu.
Mga alas 4 sa kadlawon nadakpan si Jien Repuela, 24 anyos didto sa sitio Lower Pakigne, unom ka gagmay nga pakite sa shabu ang nakuha gikan kaniya.
Ang mga dinakpan gibalhug sa bilangguan ug gikatakdang pasakaan og kaso. MEL (BANATNEWS)
- Latest
