Wala magpa-second dose sa COVID-19 vaccine gipangita
CEBU, Philippines — Gipangita karon sa kagamhanan sa Dakbayan sa Lapu-Lapu ang 4,000 ka mga Oponganon nga wala mamalik sa mga vaccination sites alang sa ilang second dose kontra coronavirus disease 2019.
Si Atty. James Sayson nga maoy deputy chief sa Lapu-Lapu City Local Vaccination Operation Center (LVOC) miingon nga ilang gipangita tagsa-tagsa ang maong mga tawo.
“Naay uban naay gipamati sa lawas, ikaduha nanglarga. Ang uban pud kay walay makabantay sa bata, so lain-lain ang mga rason,” ni Sayson pa.
Si Sayson miingon nga kinsa kadtong mga nakadawat na sa ilang first dose nga bakuna niadtong Hulyo o Agusto, kinahanglan nga mobalik sa nagkadaiyang vaccination site sa dakbayan aron sila kabakunahan sa ilang second dose alang sa paghatag gayod nila og proteksiyon kontra COVID 19. —IBM (BANATNEWS)
- Latest