Saavedra, Tumulak gustong magmayor sa Cebu City

CEBU, Philippines — Gipahibawo ni Crisologo “Cris” Saavedra nga magpapili siya sa pagkamayor sa Siyudad sa Sugbo alang sa umaabot nga 2022 national ug local elections.

Si Saavedra niadto sa buhatan sa Comelec Cebu City ug nipahibawo nga mosang-at siya sa iyahang certificate of candidacy aron modagan sa sunod tuig nga piniliay.

Matud niya nga modagan siya pagkamayor tungod kay buot niya nga wagtangon ang korupsiyon sa Siyudad sa Sugbo.

"As of now I am filing cases against the city hall on the administration of Labella...There are a lot of cases I am going to file”, matud ni  Saavedra.

Sa laing bahin, gisurpresa ni Konsehal David “Dave” Tumulak ang taga Siyudad sa Sugbo sa iyang pagduso og COC diin modagan siya pagkamayor sa siyudad.

Si Tumulak anaa na kini sa iyang kataposang termino sa pagkakonsehal sa south district ug modagan siya isip independe nga kandidato.

Sa nilabay nga mga piniliay si Tumulak kaalyado kini sa Bando Osmeña Pundok Kauswagan(BOPK)  ug Partido BARUG.

Makaatbang niya sa 2022 election sila si kanhi Konsehal Margarita Osmeña ug Acting Mayor Michael Rama.

Si Tumulak maoy kasamtangang nadestino sa pagpahimutang sa mga vaccination sites sa Siyudad sa Sugbo. —BDB (BANATNEWS)