Chan ug kaalyado moduso sa ilang COC karon

CEBU, Philippines — Si incumbent Mayor Junard “Ahong” Chan kinsa magpasubli sa iyang posisyon uban sa iyang mga kaalyado moduso karong buntag sa ilang certificate of candidacy.

Niadtong Miyerkules, si Kongresista Paz Radaza kinsa magpapili usab nga mayor sa Dakbayan sa Lapu-Lapu uban sa iyang kaalyado sa Team Deretso ang nakaduso na sa ilang COC.

Kagahapon niduso na usab sa ilang COC ang mga independente nga kandidato nga si Atty. Manuel Degolacion kinsa magpapiling kongresista sa lone district sa Dakbayan sa Lapu-Lapu, Randel Canton nga magpapiling bise mayor sa siyudad, mga magpapiling konsehal nga sila si Chelito Caro, Dr. Fredie Augusto Inot, Retired Lieutenant Colonel Arturo Morala, Engineer Ramir Roma, Marife  Batobalonos ug Oliver Linao.

Subay niini, niduso na usab sa iyang COC si incumbent 6th district Congresswoman Emmarie "Lollypop" Ouano-Dizon kinsa magpapiling kongresista sa lone district sa Dakbayan sa Mandaue.

Ang 6th district gilangkuban kini Lungsod sa Cordova ug Consolacion samtang ang Dakbayan sa Mandaue nahimo kining lone district niadtong Abril 15, 2019.

Si Ouano ubos pa kini sa unang termino sa iyang pagkakongresista sa 6th district sa Probinsiya sa Sugbo. —BDB (BANATNEWS)