P160 milyong housing project sa mga nasunogan

CEBU, Philippines — Mokabat sa P160 milyones ang gigahin sa kagamhanan sa Dakbayan sa Mandaue alang sa katukoran sa tenement housing sa mga biktima sa sunog niadtong 2019 sa Sitio Maharlika, Barangay Tipolo sa Dakbayan sa Mandaue.

Si Architect Marlo Ocleasa, pangulo sa City Planning and Development Office, miingon nga ang maong gahin ihatag kini ngadto sa siyudad gikan sa Development of Human Settlement (DHSUD) alang sa katukuran sa maong proyekto.

Ang housing project nga magbaton og lima ka andana nga building anha mahimutang sa Sitio Maharlika.

Dugang pa ni Ocleasa nga ang siyudad maoy motukod sa usa ka building niini ug ang developer usab modonar og usa ka pa ka building isip pagtuman sa balanced housing program sa nasudnong kagamhanan.

Gipahigayon na ang pasiunang sabot sabot alang sa kaugmaran sa maong housing project sa dakbayan. —MEL (BANATNEWS)