P6.9 milyong kantidad sa shabu nga nasakmit
CEBU, Philippines — Nikabat ngadto sa P7 milyones ang kantidad sa shabu ang nasakmit atol sa gipahigayong buy-bust operation sa kapolisan sa Mandaue City Police Office (MCPO) gikan sa usa ka babaye nga mabdos sa niaging gabii diha Barangay Subangdaku sa Dakbayan sa Mandaue.
Si Police Lieutenant Colonel Eloveo Marquez, Deputy Chief for Operation niila sa suspetsado nga si Ronalyn Sedon Eyac alyas "Nalyn", 31, nagpuyo sa Sitio Cabantan, Bario Luz, Dakbayan sa Sugbo.
Nasakmit gikan kaniya ang 1.25 kilo nga shabu nga nagkantidad tanan ngadto sa P6,9720,000.
Matud ni Marquez nga usa sa ilang nadakpan niadtong Oktubre 2, 2021 diha sa Barangay Pagsabutangan nga si Nerissa Aguilar taga Barangay Tejero, Dakbayan sa Sugbo ang nihatag og giya sa pagkasikop usab ni Chris Anthony Mendoza, 35, sa samang adlaw diha sa Barangay Labogon.
Gibutyag ni Marquez nga si Mendoza maoy nitug-an ngadto kanila nga si Eyac ang iyang supplier og shabu.
Niadtong higayona nikabat ngadto sa P137,000 ang kantidad sa shabu nga nasakmit gikan kang Aguilar ug nikabat usab ngadto sa P137,000 ang kantidad usab sa shabu ang nasakmit gikan kang Mendoza. —BDB (BANATNEWS)
- Latest
