750 ka balay sa Yolanda victims magamit na
CEBU, Philippines — Hingpit na nga na turnover sa National Housing Authority (NHA) ang 750 ka housing units alang sa mga biktima sa bagyong Yolanda niadtong 2013 didto sa Siyudad sa Bogo.
Ang maong mga panimalay anaa nahimutang sa 5.83 ka ektarya nga luna sa Barangay Banban diin matag usa ka unit adunay gidak-on nga 40 metro kwadrado ug adunay kaugalingon nga pansayan ug linya sa tubig ug kuryente.
Segun sa kagamhanan sa Siyudad sa Bogo, nalakip na sa tibook bahin sa luna, ang basketball court, volleyball court ug gipaabot nga tukoran usab kini og Daycare Center.
Dunay himuong opisyal nga pag-turn over sa mga unit ngadto sa mga benepesyaryo ug sa mga Bogohanons usab nga kanhi nanimuyo sa mga accident ug calamity prone areas aron mapahimutang sila sa luwas nga pinuy-anan.” Tipik sa ilang pahibawo.
Si Bogo city Mayor Carlo Martinez nagkanayon nga niadtong 2016 sa iyang paglingkod isip Mayor iyang nakita nga bisan og dugay na ang katuigan nga nilabay human sa Yolanda, walay housing units nga natukod didto sa lugar.
Usa sa problema nga ilang nasinati mao ang pagpangita og yuta nga tukoran sa mga balay.
Subay niini nanghinaot ang Mayor nga makatabang kini sa pagpalambo dili lang sa barangay apil na usab sa siyudad sa Bogo. —MEL (BANATNEWS)
- Latest
