Sen. Pacquiao nanumpa isip bag-ong miyembro sa promdi

CEBU, Philippines — Senator Manny “Pacman” Pacquiao nitikang dinhi sa Dakbayan sa Sugbo, kagahapon, Domingo, alang sa dakong kalihukan sa Progressive Movement for the Devolution Initiatives kon PROMDI diha sa Radisson Blu Hotel.

Si Pacquiao nanumpa isip bag-o nga miyembro sa PROMDI nga gitambongan usab sa pipila ka mga opisyal sa siyudad lakip ni ABC President Franklyn Ong ug pipila usab ka mga barangay kapitan sa Dakbayan sa Sugbo.

Mitambong usab sa kalihukan ang presidente sa PROMDI nga si Mimo Osmeña.

Gihimo usab ang oath taking sa mga bag-ong miyembro sa partido.

Lakip sa maong kalihukan ni Pacquiao mao ang nomination niini isip Honorary Chairman sa Party ug nomination usab niini isip Presidential Candidate sa PROMDI.

Nahibaw-an nga aduna nay panaghiusa ang PROMDI ug ang PDP laban.

Si Pacquiao, nipili sa PROMDI nga maoy iyang dalhon nga partido. MEL (BANATNEWS)