Pundo sa bonus sa mga kawani wa pa mapagawas
CEBU, Philippines — Gi-hiklin una sa konseho sa Dakbayan sa Lapu-Lapu atol sa regular session ang disbursement kun pagpagawas sa pundo alang sa bonus sa mga kawani sa kagamhanan.
Suma pa ni konsehal Rico Amores nga ilang nahukman ang pag-deffer lamang una niini samtang gipaabot pa nila ang pagsumitir sa report sa City Budget office.
Gipasabot ni Amores nga ang ilang katuyoan mao ang pagsuta kon adunay pundong salapi nga gigahin alang sa maong katuyuan.
“Gipangitaan pa ug budget, but as of the specific amount kay wala man ta kabaw pilay available nga budget. Basin ma-adjust accordingly,” ni Amores pa.
Giklaro hinuon niya nga giaprobahan na sa konseho ang paggahin og salapi alang sa quincentenial bonus sa tanang kawani ubos sa giaprobahan nga ordinansahon.
Sa nasayran nga ang tanan nga kawani sa city hall sa Dakbayan sa Lapu-Lapu nga mga regular o casual ug ingon man job order ang makadawat og tag P5,000 nga bonus. MEL (BANATNEWS)
- Latest