260-bed isolation facility sa Lapu-Lapu gibuksan na

CEBU, Philippines — Pormal na nga gibuksan ni Mayor Junard Ahong Chan sa Dakbayan sa Lapu-Lapu niadtong niaging adlaw ang upgraded 260-bed nga isolation facility.                   

Ang maong isolation facility dumalaon sa mga gibansay nga personnel alang sa pag-atiman sa mga pasyente nga nataptan og COVID-19.                               

Matud ni Chan nga ang mga mild and asymptomatic cases maoy ibutang sa maong isolation facility aron maloag ang mga tambalanan sa  siyudad.   

“Duna ni kitchen ug staff nga moandam sa ilang pagkaon nga makasiguro ta nga presko ang ilang pagkaon pirmi nga utan, sabaw, lain-lain pa ug mao ni ang nakalahi sa pikas nato nga isolation facility”, ni Chan pa.

 Si Dr.Ronald Oporto, Lapu-Lapu City Hospital Administrator nagkanayon nga magsilbing temporary nga Treatment and Monitoring Facility (TTMF) 2 ang nahisgotang   isolation facility diin dugang kini sa isolation facility nga nahimutang diha sa Lapu-Lapu City College.                             

Samtang si TTMF2 facility manager Andy Berame nagkanayon nga ang maong bag-ong  isolation facility ang adunay duha ka doktor, unom ka nurse, tulo ka nurse aide, usa ka medical technician, 13  ka utility workers nga maoy mosiguro sa pagmintinar sa kalimpiyo ug regular sanitation niini. —BDB (BANATNEWS)