Pagtrabaho sa drainage makapaminus sa pagbaha

CEBU, Philippines — Ang  improvement  sa drainage system  gikan  sa  dalan  Lopez Jaena sa Barangay Tipolo Dakbayan sa Mandaue dako og kahigayonan nga mapakunhod ang masinati nga pagbaha sa maong dapit.                      

Kini sumala pa sa buhatan sa Mandaue City Disaster Risk Reduction and Management Office (CDRRMO).

Si Felix Suico Jr., operations head sa CRRRMO sa maong dakbayan miingon nga ang Lopez Jaena Street maoy usa sa mga dapit nga kanunay gyud bahaan panahon sa kusog nga pagbunok sa ulan.

Dugang pa niya nga nagpadayon na karon ang pag-trabaho sa drainage sa maong lugar nga maoy dako og ikatabang pagkunhod sa pagbaha nga nasinati niining mga panahona.                                         

Ang Department of Public Works and Highways (DPWH) naghimo na usab sa kaugmaran sa maong dapit pinaagi sa paggamit og dagko nga mga culverts sa kanal.                                   

Sa pagkakaron hapit na mahuman ang ilang pag-ugmad sa proyekto ug kon mahuman na kini sugdan na usab ang pag-trabaho sa pikas bahin sa karsada. —MEL (BANATNEWS)