National Laity Week buksan karong adlawa

CEBU, Philippines — Ang Sangguniang Laiko ng Pilipinas, Catholic Bishop’s Conference of the Philippines, Episcopal Commission on the Laity mobukas sa National Laity Week karong adlawa.

Ang Archdiocese of Cebu maoy mobukas sa maong kalihokan uban sa tema nga “Celebrate as One in 2021: The Gift of Christianity, the Gift of Mission and the Gift of Unity” nga diin sugdan kini sa usa ka Santos nga Misa ni Cebu Auxiliary Bishop Midyphil Billones, Team of Pastors sa National Shrine of St. Joseph nga ipahigayon sa Archbishop’s Palace sa Barangay Zapatera, Dakbayan sa Sugbo sa alas 6:00 sa gabii. Matud ni Fe Mantuhac-Barino, Chairman sa Commission on the Laity sa Archdiocese of Cebu si Archbishop Jose Palma atoa pa kini sa Hungary tungod kay nitambong sa 52nd IEC hinungdan nga ang mangulo sa pagbukas sa kalihokan si Billones.

Si Barino usa sa mga speaker sa nahisgutang kalihokan.

Gibutyag ni Barino nga matag adlaw  sa sunod semana adunay mga nagkadaiyang kalihokan nga ipahigayon ang commission on the Laity sa alas 7:30 sa gabii gikan sa Lunes ngadto sa Biyernes.

Giingong ang maong kalihokan naghatag og importansiya sa kadako sa papel sa mga ordinaryong tawo nga mao ang gitawag og mga layko.

Ang mga layko nilangkub sa sobra 90 porsyento sa kinatibuk-ang naglihok sa simbahan.

Dugang ni Barino nga matag ikatulo nga semana sa Septiyembre gigahin kini alang sa mga layko nga mohimo og lain-laing kalihokan pagpakita sa ka bililhon sa presensiya sa mga layko sa kinabuhi sa simbahan.

Ang maong kalihokan tak-opan kini karong Septiyembre 25, 2021 sa Diocese of Baguio. BDB (BANATNEWS)