Barangay kapitan, ig-agaw gi-ambush
CEBU, Philippines — Patay ang usa ka barangay kapitan sa usa sa mga barangay sa Lungsod sa Asturias samtang naangol ang ig-agaw niini human sila gi-ambush diha sa Purok Kaduri, Barangay Tag-ube sa Lungsod sa Compostela kagahapon sa hapon adlaw nga Huwebes.
Ang nakalas mao si Kapitan Junrey Aligato kinsa may kapitan sa Barangay Kaluangan sa Asturias. Samtang ang naangol mao si Emedio Aligato nga usa ka Barangay Tanod.
Matud pa ni Police Staff Sergeant Roland Alo, Desk Officer sa Compostela Police Station base sa kasayurang ilang nakaylap gikan sa mga kaubanang atoa pa sa crime scene atol ning pagsuwat sa balita, padulong na pauli ang kapitan ug ig-agaw sa dihang sila gibanhigan sa wala mailhing mga mamumuno.
Ang mga biktima gidala pa unta sa tambalanan apan gideklarar ang kapitan nga patay samtang ang ig-agaw niini gi-admit sa tambalanan. Padayon pa ang kapolisan sa ilang imbestigasyon pagtino sa motibo ug kun kinsa ang naghimo sa krimen.— IBM (BANATNEWS)
- Latest