2 sikop sa buy-bust operation sa Bohol
CEBU, Philippines — Duha ka mga lalaki ang nasikop sa hiniusang buy-bust operation sa mga tinugyanan sa PDEA, Bohol Provincial Office, Dauis Police Station ug RPDEU-7 sa may Purok 5, Barangay Tinago, Dauis, niadtong Lunes.
Ang nasikop mao sila si Ian Nistal, 24 anyos, walay trabaho, subject sa buy-bust ug Peter Nisnisan, 51anyos, construction worker.
Nasakmit gikan sa mga dinakpan ang 4 ka putos sa ginadili nga drugas nga motimbang ug 10 gramos nga adunay gibana-bana nga kantidad nga 68 mil ka pesos, buy-bust money ug kagamitan sa paggamit sa illegal nga drugas.
Matud pa ni Leia Albiar-Alcantara, tigpamaba sa PDEA-7, dul-an sa duha ka semana ang gihimo nga case build-up batok sa maong mga suspetsado.
Ang mga dinakpan giingong makadispatsar ug 20 ngadto sa 25 gramos matag semana.
Nagtingkagol na sa bilangguan ang maong mga dinakpan samtang giandam na ang kaso nga isang-at batok kanila. —MEL (BANATNEWS)
- Latest