Duha nangilkil sa Carbon

CEBU, Philippines — Duha ka mga lalaking nagpakaaron-ingnong sakop sa Market Operations Division sa Cebu City ang nadakpan human gikatahong nangilkil sa mga establisamento sa maong merkado.

Si Cebu City Market Administrator Irvin Cabales miingon nga nadakpan ang duha nga sila si Bryan Dulino ug Irvin Tabura niadtong adlaw nga Sabado diha sa diha sa F. Gonzales Street nga gikatahong naaktohang nangilkil sa usa ka tindahan.

Ang duha matud pang Cabales, nagdala og suwat nga naghatag kanila og toridad sa ngalan sa MOD aron mangolekta og P6mil kada establisamento aron makapahigayon og disinfection sa mga tindahan.

Matud ni Cabales, daghan ang nailad sa duha ug karon mipadayag nga mopasaka og kaso batok sa kanila.

“Actually wala gyud tay gisugo nga ingon ana, wala pud ta nagtugot nga mobuhat og ingon ana kay ang pag disinfect libre na siya, naa pud tay organization nga sila mismo motabang nato,” ni Cabales pa.   Nanawagan si Cabales sa publiko nga magbantay sa mga ingon niini ang modus.  Ang mga nadakpan nagtingkagol karon sa Police Station 3.— IBM (BANATNEWS)