Research laboratory gibuksan sa Brgy Lawaan

CEBU, Philippines — Gisubhan ang research laboratory sa Barangay Lawaan 3, Dakbayan sa Talisay niadtong miaging adlaw.

Proyekto kini sa Sangguniang Kabataan (SK) nga pinangulohan ni Marygane Barliso alyas Badak.

Si Mayor Gerald Anthony “Samsam” Gullas uban sa iyang asawa nga si Rhea maoy pinasidunggan nga dinapit sa kalihukan.

Ang maong laboratoryo maoy magamit sa kabatan-onan sa ilang pagtuon ilabi na nga magsugod nasab ang klase.

Adunay computer para sa research nga pagabuhaton, printer ug mga libro nga mahimong kalingawan nga basa-basahon sa kabatan-onan.

Nalipay si Gullas nga nagtan-aw sa proyekto kay bisan paman sa pandemya nga nasinati nakahuna-huna ang mga opisyales sa SK sa mao nga proyekto.

Ang laboratoryo naay koneksyon sa internet pero nihangyo si Gullas nga dili kini gamiton sa pagduwa og Mobile Legends.

Gawas sa research lab gihatagan sab og solar lampost ang maong barangay.

Dako kini og gamit sa mga lugar nga ngit-ngit ug makadaginot sab kini kay ang init sa adlaw mao ang kakuhaan og enerhiya sa suga. MEL (BANATNEWS)