Abogado gi-ambush patay

CEBU, Philippines — Patay ang usa ka human rights lawyer samtang naangol ang driver niini human sila gibanhigan sa wala mailhing mamumuno nga riding in tandem diha sa eskina sa Good Shepherd ug R. Duterte Street , Sitio Banawa, Barangay Guadalupe ning Dakbayan sa Sugbo kagahapon sa hapon adlaw nga Huwebes.

Ang nakalas mao si Atty. Rex Fernandez, samtang ang naangol mao ang iyang driver nga wala pa nakuha ang pangalan samtang wala ra maunsa ang asawa niini.

Matud pa sa usa ka saksi nga usa ka force multiplier naagi siya sa maong lugar sa dihang nakita niyang niurong ang awto sa abogado tsa dihang dunay lalaking nagsuot og pulang jacket ug nag-shorts ang miduol sa bintana kun diin naglingkod ang biktima ug gipusil kini sa makadaghang higayon.

Ang mamumuno daling nidagan padung sa nagpaabot nga motor ug miikyas palayo.

Si Police Major Jonathan Dela Cerna, hepe sa Guadalupe Police Station nitug-an ang abogado maoy target sa pagpamusil kay sa iyang nahimutangan man nitutok ang gunmane sa pagpaulan og bala gamit ang kalibre 45 base sa nakuhang mga basiyo sa bala diha sa crime scene.

Gibutyag ni Dela Cerna tanang angulo ilang tutukan sa imbestigasyon nga ipahigayon lakip ang personal, ug trabaho. Posible usab mohimo sila og special investigation task group alang sa imbestigasyon niini.

Susihon usab nila ang mga CCTV Camera sa lugar aron makatabang sa imbestigasyon.

Si Fernandez ning bag-ohay lang nag hunger strike ug nag-camping sa usa ka tent sa gawas nga entrada sa Bamboo Bay Community sugod sa Agosto 13 hangtod Agosto 15 aron sa pagprotesta sa pagputol sa tubig sa tagdumala sa maong condominium diin siya magpuyo.

Ang usa sa mga pag-umangkon ni Fernandez nga dili magpaila nitug-an nga walay hisgut ang ilang uyoan kung may hulga kini sa kinabuhi.

Si Fernandez usa sa mga abogadong miabag sa mga vendors sa Carbon Public Market alang sa pagpasaka og reklamo ug pagsupak sa pribitisasyon sa maong merkado.

Nahimo sab siyang abogado sa pipila ka mga kaso sa mga miyembro sa mga militanteng pundok.

“No words, indeed. Another colleague has fallen with his boots on. We had lost count. It has not stopped and every lawyer is a sitting duck. Rex was a founding member of NUPL in 2007. He was also Karapatan counsel for years.

He was passionate, intense and brave, even as he was unique in many ways. He handled many an amparo cases of activists when it was a promising remedy then. Even after he became inactive in NUPL later, he continued to collaborate with fellow human rights lawyers in public interest cases.

Before he was silenced, he castigated the present administration which he had hitherto placed his sincere hope on would bring change. He died disillusioned that it was not meant to be. Rest in peace already Rex. You fought a good fight,” matud pa sa pamahayag nga gipagawas nilang National Union of Peoples Lawyers (NUPL) President Edre Olalia ug NUPL Chair Neri Colmenares.

Ang Integrated Bar of the Philippines-Cebu Chapter mikondenar sa pagpatay kang Fernandez. matud sa grupo ang pagpatay og abogado sama ra ini sa pagatake sa sistema sa hustisya sa nasud. —Decemay Padilla/IBM (BANATNEWS)