Suspek sa pagpanulis nasikop sa tuburan

CEBU, Philippines — Nadakpan sa gipahigayon nga  Hot-Pursuit Police Operation sa hiniusang pwersa sa   Talamban Police Station, Tuburan Police Station ug Regional Highway Patrol Unit  RHPU 7  ang suspetsado sa pag panulis ug pagpangawat og motorsiklo kagahapon, Lunes sa buntag didto sa Brgy Maghan-ay, Lungsod sa Tuburan, Cebu.

Ang suspetado mao si Joseph Lacarion Gimongala 38 anyos residente sa Brgy Maghan-ay, Lungsod sa Tuburan samtang ang iyang gibiktima mao si Redfield Mariano 24 residente sa Barangay Talamban.

Matud pa ni P Lt. Plania nga gikan sa Talamban ang biktima nga gisakyan sa suspetsado alas 10:30 Dominggo sa gabii ug nagpahatud samtang pag abot diha sa Sitio Sta Lucia, Brgy Taptap, Cebu City kalit lang nition og kutsilyo si Gimongala ngadto ni Mariano.

Misukol si Mariano ug iyang gigunitan ang kutsilyo nga gition sa iyang liog hangtod nga nalamba silang duha og naka angkon og mga samad og pangos sa nag kadaiyang parte sa lawas.  Dugang pa ni Plania nga sa dihang nag linayogay ang duha kalit lang gisakyan sa suspetsado ang motorsiklo ni Mariano ug dali kining misibat. Apan nangatagak ang mga gamit sa suspek apil ang iyang biodata ug mga senina hinungdan nga nailhan kini ug gi-post usab kini sa social media.

Ang Kapitan sa Barangay Maghan-ay, Tuburan mitahu sa kapolisan sa nahimutangan ni Gimongala hinungdan nga kini nasikop.

Nabawi sa kapolisan ang Honda Beat Motorcycle color Black Yellow nga dunay plaka 0701-848219.

Si Gimongala pasakaan og kasong kalapasan sa RA 10883 (New Anti-Carnapping Act), Attempted Homicide ug Robbery. MEL (BANATNEWS)