Singil sa kuryente mokunhod og P.20
CEBU, Philippines — Gipahibalo sa Visayan Electric nga mokubos og P.20 sentimos ang singil sa kuryente alang sa bulan sa Agosto hangtud Septiyembre.
Ang Presidente ug Chief Operating Officer Raul C. Lucero sa VE nagkanayon nga gipaubsan ang generate rate sa maong mga bulan tungod sa pagus-os sab sa Wholesale
Electricity Spot Market.
Tungod niinii gikan sa average rate nga P12.22 per kilowatt hour sa mga residential customers sa Hulyo-Agosto nga billing period sa Agosto-Septiyembre billing period tag P12.02 per kilowatt hour nalang.
"But despite the 20 centavos reduction in the generation rates, we still would like to remind our customers to be mindful of their electricity consumption and make it a habit to conserve electricity," pahinumdom pa ni Lucero.
Dunay daghang mga pamaagi aron pagpagamay sa patak sa metrohan sa kuryente kini sama sa pag-ibot sa mga wala gamitang appliances.
Mogamit og LED lighting inay mga fluorescent o bombilya nga pwerte mokaon og kuryente.
Makatabang sab sa pagpamenus sa kuryente kun ang mga gamit sama sa appliances dili gubaon, limpyo ug maayo pagkaatiman ilabi na ang mga
air-conditioners ug electric fans.
Gipahibalo sab sa VE nga lugwayan pa nila kutob Agosto 30 ang no disconnection policy sa mga lugar nga ubos sa MECQ.
Apan gihangyo sa VE kadtong makahimo sa pagbayad nga bayran nalang kining daan bisan dili pa sila mamutol aron sab nga dili sila makurat ug mabug-atan unya sa balayrunon ini og libkas sa MECQ.
Mahimo kining bayaran sa mga Visayan Electric service centers , mga payment centers, bangko, online payment channels sama sa GCash, Paymaya, coins.ph,
Grab, Lazada ug Cliqq sa mga dili gustong mogawas sa balay tungod sa mga restriksyon.
- Latest