Food truck sa Red Cross naabot na sa Cebu City
CEBU, Philippines — Naabot na dinhi sa Siyudad sa Sugbo niadtong Sabado ang food truck sa Red Cross diin mosuroy kini diha sa mga barangay nga labing naapektohan sa COVID-19.
Si Konsehal David Tumulak maoy pormal nga nidawat sa maong truck nga naggikan pa sa kaulohan.
Nasayran nga ang kagamhanan sa Siyudad sa Sugbo moabag sa ubang kinahanglanon niini sa higayon nga motuyok na sa mga barangay ang maong food truck.Sayo pa, nangayo og tabang si Tumulak sa Red Cross pinaagi kang Senador Richard Gordon alang sa dugang COVID-19 response programs.
Gawas sa food truck nagpadala usab ang Red Cross og air-conditioned medical tents aron imontar diha sa pipila ka health facilities sa siyudad.
Nasayran usab nga ubay-ubay na nga mga tambalanan sa Siyudad sa Sugbo ang nangapuno na hinungdan nga gamit kaayo ang mga medical tent. BDB (BANATNEWS)
- Latest
