Masuso na-COVID; 90 porsyeno nga nataptan sa virus walay bakuna
CEBU, Philippines — Nipahimutang na og border control diha sa Barangay Bulacao, Dakbayan sa Sugbo ang kapolisan sa siyudad.
Kini ang gibutyag ni Police Lieutenant Colonel Wilbert Parilla, deputy director for operations sa Cebu City Police Office (CCPO). Matud ni Parilla nga nagpaabot nalang sila karon sa dugang kamandoan ni Acting Cebu City Mayor Michael Rama ilabi na sa pagpatuman sa health protocols diha sa mga pampublikong sakyanan.
Aduna sila’y gibutang nga border checkpoint diha sa Barangay Bulacao human sila nakadawat og taho nga giingong adunay PUVs ilabi na mga bus ug jeepney ang wala mosunod sa health protocols ug sa limited passenger capacity ngadto sa 75 porsyento.
Gibutyag usab ni Parilla nga gitinguha usab nila karon nga magdugang pa unya og mga border checkpoint sa pipila ka mga lugar gawas sa Barangay Bulacao.
Iyahang giklaro nga bisan kinsa nga gikan sa kalungsuran mahimo ra nga moagi sa siyudad basta mosunod lang kini sa gipatuman nga health protocols.
Motabang usab ang kapolisan sa pagtan-aw sa mga provincial bus nga mosulod sa siyudad pagsiguro nga nituman kini sa minimum health standard ug protocols. —/BDB (BANAT NEWS)
- Latest