CCTO way hunong pagbadlong sa mga PUV drivers

CEBU, Philippines — Way hunong ang Cebu City Transportation Office CCTO sa pagsita sa mga driver sa mga pampublikong sakyanan nga dili motuman sa basic health protocols.

Kini ang giklaro ni Paul Gotiong ang information officer sa CCTO nonot sa pag-estrikto sa siyudad sa transportation sector gumikan sa padayong pagsaka sa kaso sa COVID-19 dinhi sa Dakbayan sa Sugbo..

Si Gotiong miingon nga bisan sa post nila sa social media nagsige sila og pahinumdom sa katawhan ingon man sa mga drivers nga tumanon lang ang safety measures apan duna gyuy uban nga mga badlungon hinungdan nga naisyuhan sila og citation tungod sa overloading.

“Naa man tay news nadungog hopefully by next week unless if permitted nga matagaan mi sa katong citation then CCTO will be able to issue a citation or cite violation on health protocols”, ni Gotiong pa.

Ang citation nga ilang ihatag sa mga makalapas sa health protocols lahi kini sa citation nga ilang ihatag sa mga drivers sa mga Public Utility Vehicles nga nakalapas sa City Ordinance 801 kun Cebu City Traffic Code.

“Ato pa na siya gipa-file karon and hopefully matagaan nami…under ni siya sa health protocols nato which is the wearing of facemask mostly and then kaning social distancing and then gathering nato”, ni Gotiong pa.

Nasayran ang CCTO dunay holding area, mao kining Cogon Ramos Gym alang sa north area ug Labangon Barangay Hall sa south area alang niadtong mga PUVs nga madakpan nga nag-overloading.

Giawhag sa CCTO ang mga PUV Drivers nga motuman lang gyud sa gipagawas nga guidelines aron dili sab maapektuhan ang ilang panginabuhian. —/MEL (BANAT NEWS)