Laing upat ka kaso sa Delta variant na-detect sa CV

CEBU, Philippines — Dugang upat ka kaso sa Delta variant sa coronavirus were ang napuno sa Central Visayas hinungdan nga nahimo na kini karong 36 ka kaso sumala pa sa Department of Health kagahapong adlawa.

Wala hinuon motug-an si DOH-7 Director Dr. Jaime Bernadas kun asa nga lungsod o siyudad kining bag-ong na-detect nga kaso, apan kini nga samples kabahin kini sa gipangkuha niadtong Hulyo 4-10 nga gipadala didto sa Philippine Genomic Center. Una nang gipahibalo sa DOH-7 kapin  semana na ang nilabay nga duna nay 32 Delta variant cases nga nadiskubrehan gikan sa mga samples nga nakuha dinhi sa Sugbu. Ang  19 gikan sa Lapu-Lapu City,  unom sa Cebu City, tulo sa Mandaue City, duha sa Samboan ug duha sa Cordova.

Si DOH-7 chief pathologist Dr. Mary Jean Loreche mibutyag sab nga ang 32 nga kumpirmadong Delta variants sa Sugbo gikan sa mga tawong wala makabiyahe sa gawas sa lalawigan mao nga nagduda silang kini local transmission. Ang DOH-7 nakapadala na og 123 ka mga samples didto sa PGC. Sa 32 ka unang kaso sa Delta variant ang kinabataan niini nag-edad og usa ka tuig ug ang kinatiguwangan 61 anyos, 14 ang lalaki ug 18 ang babaye. Hinuon silang tanan gikonsiderar na nga nangaayo na.— The Freeman/IBM