Nagpakatap og fake news bahin sa bakuna susihon sa kapolisan

CEBU, Philippines — Criminal Investigation Detection Group ug kapulisan mohimo ug imbestigasyon batok sa mga nagpakatap ug fake news nga giingong makapatay ang bakuna.

Ang Director sa CIDG Police Major General Albert Ignatius Ferro, nimando nga imbestigahan kung kinsa ang mga nagpakatap ug sayop nga information ilabi na sa social media aron mapasakaan og kaso.

Suma pa usab ni Police Lieutenant Colonel Wilbert Parilla, Deputy Director for Operations sa CCPO. nga makahatag ug kabalaka sa mga tawo ang pagpakatap og fake news.

Samtang ang maong lakang gihangop sa Chairman sa Commission on the Laity sa Archdiocese of Cebu Fe Mantuhac Barino.

Matud pa ni Barino, pabor kaayo siya nga mohimo og imbestigasyon ang kapolisan aron masumpo ang nagpakatap og fake news nga makahatag ug kahadlok ug kabalaka sa mga tawo nga nagtinguha nga magpabakuna.— MEL (BANATNEWS)