Pagpanglimpyo ug pagtanum og mangrove gihimo sa Toledo

CEBU, Philippines — Nagmalampuson ang laing hugna sa coastal clean-up ug mangrove planting sa Dakbayan sa Toledo sa miaging adlaw.

Ang maong kalihokan adunay tema nga “Mag-amping sa kinaiyahan ug magpangga sa kalikopan.”

Gisalmotan kini sa mga opisyales ug mga empleyado sa kagamhanan sa Dakbayan sa Toledo ug ubang gatosan ka volunteers.

Pipila sa mga lugar nga gilimpyohan mao ang Marine Sanctuary sa Brgy. Bato, Coastal Area sa Brgy. Cabitoonan, Sitio Kinner, Ibo River, Dabon ug Sta. Ana.

Nagkanayon si Toledo City Mayor Marjorie Perales nga kinahanglan gyud  ang pagpakabana sa kalikopan busa imintinar gyud ang  saktong pag-atiman niini.

Subay niini giawhag sa kagamhanan ang publiko nga dili magpataka og labay sa ilang mga basura. MEL (BANATNEWS)