Mga korte manirado

Cebu, Philippines — Tungod sa subling paghigpit sa quarantine level, ang mga korte sa Cebu City ug Lapu-Lapu City  manirado sugod ugmang adlawa Agusto 2ngadto sa13, 2021  subay sa mando sa Supreme Court Administrative Circular No. 56-2021 nga penetsahan og Hulyo 30, 2021 nga giisyu ni Chief Justice Alexander Gesmundo.

Ang duha ka siyudad parehong gipaubos sa Modified Enhanced Community Quarantine sa Inter Agency Task Force for the Management of Emerging Infectious Diseases (IATF-MEID).

Si Cebu City Executive Judge Marlon Moneva ug Lapu-Lapu Executive Judge Stephne Ignacio sa ilang tagsatagsa ka memorandum miinbgon nga bisan og pisikal nga sirad-an ang balay sa hustisya magpadayon ang online hearings ug video conferencing hearings kung gikinahanglan gyud kaayo sama sa pagbutang og piyansa,  pag-release sa dinakpan tungod sa pagka-dismiss sa ilang kaso o na-acquit sa kaso, habeas corpus, application for temporary protection orders for Violence Against Women and Children cases ug kadtong mga susamang kaso.

Suspendido sab ang mga filing ug servicing sa mga pleadings ug motions atol sa MECQ ug mobalik lang ini og human sa pito ka adlaw.

Gimandoan hinuon ang mga RTC OCC, MTCC OCC nga magbilin og skeleton staff aron dunay makaatiman sa mga importanteng transaksyon.

Simbahan

Samtang si  Cebu Archdiocesan Chancellor Msgr. Renato Beltran Jr., miingon nga karong ang tibuok Isla sa Sugbu gipaubos man sa MECQ mosanong ang simbahan sa mga guidelines nga gimando subay sa maong quarantine status.

Matud niya, sa mga relihiyosong kalihokan gitugtan ra nila ang 10% sa kapasidad sa mga simbahan ug madugangan lang kini kutob 30 % apan kinahanglang may pagtugot sa LGUs.

Sama sa gihapon, limitado lang ang misa sa patay ngadto lang sa mga tagtungod.

Flights kanselado

Tungod sa kalamboan bahin sa quarantine status , ang mga flights padung ug pabalik sa Sugbu sa Cebu Pacific ug Philippine Airlines gikanselar sugod Hulyo 31 hangtud Agusto 20,2021.

Ang mga gikanselar  nga Cebu Pacific domestic flights naglakip sa Manila-Cebu-Manila, Cebu-Boracay-Cebu, Cebu-Clark–Cebu ug Cebu– Siargao– Cebu.

Samtang kanselado sab ang domestic flights sa Philippine Airlines nga Manila-Cebu-Manila, Cebu-Siargao-Cebu, Cebu-Caticlan (Boracay)-Cebu ug Cebu-Cagayan de Oro-Cebu. (BANAT NEWS)