Cebu City nipadangat og request sa DOH ug kang Galvez
CEBU, Philippines — Nipadangat og request ang konseho sa Siyudad sa Sugbo ngadto sa Department of Health (DOH) ug kang National Task Force Vaccine Czar Carlito Galvez Jr. nga tabangan ang pribadong sektor ug ang local government units nga mapadali ang pagpalit nila og bakuna.
Giingong usa kini sa pamaagi aron mahimong paspas ang pagpamakuna sa mga residente sa siyudad. Gidasig usab sa konseho ang mga pribadong establisamento nga mag-order usab og bakuna alang sa ilang mga empleyado ug sa mga sakop sa pamilya niini.
Si Konsehal David Tumulak ang nangamahan sa maong resolusyon nga giaprobahan sa konseho sa niaging adlaw.
Sayo pa, ang kagamhanan sa siyudad nag-andam na kini og P500 milyones nga budget alang sa pagpamalit og mga bakuna.
Nasayran nga kasamtangang gigamit sa mga LGU mao ang alokasyon nga bakuna gikan sa nasudnong kagamhanan.
Base sa datos gikan sa Cebu City Vaccination Operations Center (VOC) niabot na sa 164,256 ang total administered doses sa COVID-19 vaccines sa Dakbayan sa Sugbo sukad niadtong Marso 24, 2021 hangtud sa Hulyo 27, 2021.
Sa laing bahin, dul-an sa 52 mil ka doses sa bakuna ang niabot sa Central Visayas kagahapon. Kini ang gibutyag sa Visayas Vaccination Operations Center.
Ang vaccines nga niabot mao ang 51,480 ka doses sa Pfizer-Biontech. Rowena D. Capistrano/BDB (BANATNEWS)
- Latest