Ordinansahon alang sa pagtratar sa mga pasyente sa COVID-19 giduso

CEBU, Philippines — Miduso og ordinansahon si Cebu City Councilor Dave Tumulak nga magsilbing basehan sa umolong guidelines sa implementasyon sa home isolation mga positibo sa Covid-19 ug ingon man pagkuha kanila gikan sa balay kun dili haom ang ilang pinuy-anan aron magpaalim gikan sa maong sakit.

Ang maong ordinansahon gipasa na ngadto sa Committee on Laws, Ordinances, and Styling alang sa review.

“To allow home isolation in the City of Cebu, there is a need to identify, codify and implement clear guidelines on the implementation of home isolation. Furthermore, if home isolation is not suitable, there is also a need to lay down clear implementing procedures for the extraction and transfer of COVID individuals to isolation facilities,” tipik sa maong ordinansahon.

Kun mapasar ang ordinansahon magdugang kini og otoridad sa siyudad aron tugotan ang home isolation o sa designated isolation facilities, ug pagdili  o pagsilot sa bisan unsa nga paglapas sa Republic Act No. 11332  o “Mandatory Reporting of Notifiable Diseases and Health Events of Public Health Concern Act.”

Tugotan lang ang home isolation kun ang pasyente asymptomatic o nagpakita og mild o moderate symptoms; haom ba ang ilang balay subay na sa guidelines nga naa sa ordinance; ug ang ability sa pag-monitor sa kondisyon sa pasyente diha sa balay ug masigurong masunod ang health ug safety standards ug protocols sa balay sa tanang  household members apil na ang kaluwasan sa ilang mga silingan.

Duna say silot kadtong gipaubos sa home isolation nga wala motuman sa mga isolation sa protocols ug minimum health and safety protocols; may silot sab  kun hulgaon ang extraction team o bisan kinsa nga official nga naghimo sa ilang trabaho ubos sa maong ordinansa ug silotan sab kadtong mga tawong mokuha og hulagway o video atol sa extraction operations.

Ang tawo nga makalapas sa Section 5 pahamtangan og silot nga pagkabilanggo sulod sa usa ka buwan ug usa ka adlaw ngadto sa unom ka buwan ug multa nga P5,000.— IBM (BANATNEWS)