Duha ka kawani sa CT-TODA gibaharang silotan
Cebu, Philippines — Duha ka kawani sa City of Talisay-Traffic Operation and Development Authority (CT-TODA) ang gipasidan-an human masakpi nga expired and lisensiya ug rehistro sa motorsiklo.
Si Jonathan Tumulak, hepe sa CT-TODA nibutyag nga gihimo nila ang kinalit nga pagsusi sa mga dokumento sa pagmaneho sa iyang mga sakop diin gitagsa-tagsa niya pagtan-aw mga dokumento sa ilang motorsiklo ug ang ilang lisensiya.
Nasuta niya nga usa ang wala maka-renew sa lisensiya samtang ang usa wala usab maka-renew sa rehistro sa iyang motorsiklo.
Ang duha gibaharan ni Tumulak nga silotan kong dili lihokon ang nahisgotang mga dokumento.
“Dinhi nato makita ang dugang pagsalig sa katawhan nga kita nga manakopay maoy una nga nisunod sa lagda”, padayag ni Tumulak.
Dugang ni Tumulak nga dili maayo nga sila ang mopatuman sa lagda apan sila usab ang nisupak niini. (BANAT NEWS)
- Latest