Kaso sa dengue sa Central Visayas nikunhod

CEBU, Philippines — Dako ang pagkunhod sa kaso sa dengue sa Central Visayas kini base sa datos sa Department of Health-7. Matud ni Jeffrey Doyongan, entomologist sa Department of Health Central Visayas Center for Health Development nga gikan sa Enero hangtud sa Hulyo 17, 2021 ang kaso sa dengue sa rehiyon-7 naa lang sa 976 ug 7 ang nangamatay.

Giingong 89.67 percent lower kini itandi sa samang period sa niaging tuig nga ang kaso sa dengue sa rehiyon niabot ngadto sa 9,449 ug 39 ang nangamatay.

Kasagaran nga mataptan og dengue ang nag-edad og 0 ngadto na sa 90-anyos, babaye o lalaki ug ang pito nga namatay karong tuiga tulo niini gikan sa Cebu City, usa sa mga Lungsod sa Argao ug Minglanilla ug Carmen sa Probinsiya Bohol.

Gilantaw nga ang adbokasiya sa local government units maoy giingong hinungdan sa pagkunhod sa kaso sa dengue.

Laing hinungdan mao nga walay diin menos ang lihok sa mga bata ug menos usab ang mga establisamento nga abli diin gamay ra ang ilang basura ilabi na kadtong water holding containers ug regulated usab ang parties o selebrasyon.

Ang Cebu mao gihapon ang top 1 sa kadaghanan og kaso nga niabot ngadto sa 113 apan ang maong gidaghanon ubos kini itandi sa niaging tuig nga 1,288, sunod ang Dumaguete City, 78; Talisay City ug Lungsod sa Minglanilla, 46; ug Siation,  45. Sa tuig 2019, ang rehiyon-7 adunay 31,935 ka kaso ug nikunhod kini ngadto sa 11,000 sa tuig 2020. —BDB (BANATNEWS)