Senior citizens prayoridad sa Johnson and Johnson vaccines
CEBU, Philippines — Iprayoridad ni Mayor Gerald Anthony “Samsam” Gullas Jr. sa Siyudad sa Talisay ang mga senior citizen nga makadawat sa bakuna nga Johnson and Johnsons.
Nasayran nga ang maong bakuna usa lang ka dose dili sama sa uban nga duha ka dose o kaduha turokan.
Apan sa pakighinabi ni Gullas ngadto sa mga senior citizen aduna gihapoy pipila nga nahadlok nga magpabakuna batok sa COVID-19.
Giingong ang uban nabalaka sa giisogon sa maong bakuna tungod kay usa ra ang dose niini.
Si Gullas uban sa mga doktor makigtabo sa mga senior citizen aron sila mapasabot.
Ang siyudad aduna kini 22 mil ka rehistradong senior citizen apan gamay pa gyud kaayo ang gidaghanon nga nagpabakuna.
Samtang sa Dakbayan sa Lapu-lapu, si Mayor Junard “Ahong” Chan nagkanayon nga ang mga senior citizen sa siyudad prayoridad usab nga mabakunahan sa Johnson and Johnson vaccine. Gibutyag ni Chan nga 6,400 doses sa Johnson and Johnson vaccines ang nadawat sa siyudad.
Matud ni Chan nga ilang gipadaganb karon ang coasters nga sakyanan sa siyudad diin mao kini ang sakyan sa magpabakuna nga senior citizens gikan sa ilang barangay paingon sa vaccination sites. —Romeo T. Limpangog/BDB (BANATNEWS)
- Latest