P2.3 milyones shabu nasakmit, suspek nadakpan

CEBU, Philippines — Mokabat P2.3 milyones nga balor sa ginadili nga drugas ang nasakmit gikan sa usa ka 21-anyos nga lalaking nadakpan sa buy bust operation sa mga sakop sa Mambaling Police Station sa Dakbayan sa Sugbo niadtong Lunes sa gabii diha sa Sitio Naba- Alaska sa Barangay Mambaling.

Ang nasikop mao si Jungbae Sumayang naila nga usa ka high value individual, regional level.

Ang grupo ni Police Major Juanito Dindo Alaras, hepe sa Mambaling Police Station mihimo sa operasyon human sila nakadawat og report nga namaligya kini og shabu.

Nasuta sab nga kakunsabo niini ang ig-agaw nga napriso karon sa Cebu City Jail. Nasakmit gikan kang Sumayang ang 350 gramos nga gituohang shabu ug buy-bust money.— IBM (BANATNEWS)