Villar: CCLEX makatabang sa ekonomiya sa Sugbu

Cebu, Philippines — Mihimo og inspeksyon kagahapon ang kalihim sa Department of Public Works and Highways (DPWH) nga si Sec. Mark Villar sa gitukod nga Cebu-Cordova Link Expressway (CCLEX)  kagahapong adlawa.

Nabatyagan na gyud niini ang dakong kalamboan nga mahatag sa maong proyekto sa ekonomiya ilabi na sa duha  ka local government units ang gikonektaran sa taytayan.

Giingong makahatag usab kini og kaayohan sa nagpadayon nga pag-upgrade sa kadalanan sa managsilingan nga mga lugar.

Atol sa inspeksyon, nahimuot si Villar sa kalapad ug kanindot sa proyekto ug nagtuo gyud siya nga makatabang kini pagsulbad sa problema sa trapiko.

Kauban ni Villar sa iyang pag-inspeksyon mao ang Presidential Communications Head nga si Secretary Martin Andanar .

Niya pa nga dako kini og tabang sa road network ilabi na sa pagtikang sa Mactan-Cebu International Airport (MCIA) ug Cordova Coastal Highway.

Sama sa gibuhat sa ubang politiko, dinhi gihapon sa Sugbo  gipahibalo   ni Villar nga andam siya modagan sa mas taas nga posisyon partikular na ang pagka-senador.

Matud pa niya nga karong Oktubre pa ang pagduso sa kandidatora busa sayo pa kaayo aron hisgotan ang politika.

Sa laing bahin , mapasalamaton ang CCLEX sa pagbisita ni Villar sa ilang proyekto ug pagkamaayo niining partner sa pag-ugmad sa proyekto.

“We are happy to show to Secretary Mark Villar the progress of the CCLEX project today, three years after he witnessed our initial board piling works,” tipik sa press statement ni Allan G. Alfon, ang President  ug General Manager sa Cebu Cordova Link Expressway Corporation (CCLEC).

Nagkanayon si Alfon nga naa na sa 80% ang nahuman sa taytayan. Ang CCLEX dunay 8.5 kilometros nga karsada nga nagtangag og P30B nga  investment  sa Metro Pacific Tollways Corporation. (BANAT NEWS)