Booster shot, tun-an pa
CEBU, Philippines — Kinahanglan pa ang dugang pagtuon ug guidelines sa dili pa mohatag og booster shots ang mga nakakompleto na sa bakuna batok sa Covid-19 matud pa sa tigpamaba sa Visayas Vaccination Operations Center Dr. Mary Jean Loreche.
Si Loreche miingon nga sa pagkakaron ilang tamdan ang two dose-regimen.
Pipila ka mga nasud sa kalibutan ang nagkonsiderar paghatag og ikatulong dose isip dugang protection batok sa delta variant sa Covid-19. Ang Delta Variant, unang nakit-an didto sa india sa sayong bahin niining tuiga.
Sa pagka karon ang Pilipinas wala pa motugot nga mohatag ug ikatulo nga dose o gitawag sab og booster shot.
Sa pikas bahin, gikahimuot sa kagamhanan sa Dakbayan sa Taliday nga wala na mamili ang mga mga tawo kung unsang klase sa bakuna ang idapat kanila.
Si Dr. Lino Alanzado, pangu sa City Health Office nalipay nga midagsa ang mga tawong nagpabakuna.
Nisaka man ang kaso sa Covid-19 a siyudad apan iyang gihulagway nga gumikan kini sa subsob nga contact tracing.
Sa miaging semana naa lang sa 70 ka aktibong kaso apan karon naa na sa 112 ka kaso. —Gabriel Bonjoc/IBM (BANATNEWS)
- Latest
