Bag-ong traffic enforcers gi-bansay sa paghatag og first aid
CEBU, Philippines — Gibansay-bansay ang mga bag-ong recruit sa City of Talisay-Traffic Operation Development Authority (CT-TODA) alang sa pag apply og first aid ngadto sa mga motorista nga makasugat og disgrasya.
Matud pa ni Jonathan Tumulak, traffic czar sa siyudad nga gawas sa pag asistar sa dagan sa trapiko makahimo nasab unya sa pagtabang sa mga tawo nga madisgrasya ang mga enforcer.
Asoy pa ni Tumulak nga makatabang sila sa motoristang madisgrasya ingon man sa pagdali paghawan sa karsada aron dili madugay ang paghuot sa trapiko. Ang 20 ka bag-ong recruit maoy modugang sa 140 ka enforcer nga sakop karon sa CT-TODA.
Una niini, ang CT-TODA naka-umol nasab og mga mekaniko nga makatabang sa motorista nga magub-an og sakyanan diha sa karsada aron dili makabara ang dagan sa trapiko. —MEL (BANATNEWS)
- Latest
