Ayuda sa mga seniors sa Talisay ipanghatag na

CEBU, Philippines — Makadawat na sa ilang ayuda ang mga senior citizens diha sa Dakbayan sa Talisay human gipagawas na sa kagamhanan sa siyudad ang pundo alang niini.

Hinuon magdepende na kini sa ilang mga opisyales sa barangay kun kanus-a nila pagahimuon ang payout ug kun unsa nga paagi aron mapatuman gihapon ang mga safety ug heath protocols.

Sa barangay Poblacion, karong adlawa nila ipanghatag ang pinansyal nga ayuda alang sa mga senior citizen.

Ang Poblacion adunay 800 kapin ug kulang nga rehistradong senior citizens samtang 150 usab ang na-rehistro nga Persons with Disability PWD.

Si kapitan Edward Alesna nipahinumdom sa mga edaran nga mosayo sa parkingan sa Sta. Teresa de Avila Parish aron masayo sab nga matagaan sa ayuda. Gihangyo usab ang katawhan nga pabiling motuman sa social distancing ug pagsul-ob sa facemask aron kalikayan ang pagkatap sa COVID-19. —MEL (BANATNEWS)