Mi-apply pagka-traffic enforcer midagsa sa Talisay
CEBU, Philippines — Gidagsaan sa mga tawo ang gihimong eksaminasyon alang sa nagtinguha nga mosulod sa pagka-traffic enforcer diha Talisay City College (TCC) sa barangay Poblacion, Dakbayan sa Talisay.
Ang kwalipikasyon nga gipangita mao kadtong nagpangidaron og 21 ngadto sa 35 anyos nga adunay nahuman sa kolehiyo o undergraduate, himsog ug rehistrado sa Talisay.Ang madawat mopaubos og seminar ug subsob nga training aron andam na kining motrabaho isip traffic enforcer sa maong siyudad.
Mahimo nasab sila nga job order nga kawani nga magdawat og 450 nga suhulan matag adlaw.
Ang kagamhanan sa Talisay naglaraw kaniadto nga himuong regular ang mga enforcer.
Apan si Jonathan Tumulak, traffic czar nitataw nga ang mga opisyales lang ang makatubag labot sa maong plano kun kanus-a kini mapatuman. —MEL (BANATNEWS)
- Latest