12 ka barangay sa Mandaue nakadawat og biowaste shredders

CEBU, Philippines — Nakabaton og kahimanan sa pag-recycle sa ilang basura ang 12 ka mga barangay sa Dakbayan sa Mandaue nga nahisakop ang ilang dapit sa Butuanon ug Mahiga River.

Gidonar  sa  Environmental Management Bureau  sa  Department of Environment and Natural Resources ang  kahimanan nga biowaste shredders nga nagkantidad ang tanan og mokabat  sa P13 millyones  pesos.

Gihangop ni Mayor Jonas Cortes ang pagdonar sa maong mga kahimanan ug iyang gipadangat ang iyang pasalamat ngadto sa buhatan sa Environmental Management Bureau sa DENR.  Sa nasayran ang biowaste shredders maoy kahimanan nga mapakunhod ang ilabay nila nga basura.

Ang maong kahimanan mogamit sa pamaagi nga paggaling sa malata nga basura aron himoong organic fertilizers. MEL (BANATNEWS)