P20M marijuana nalarot gikan sa Toledo City
CEBU, Philippines — Moabot ngadto sa P20 milyones nga balor sa mga marijuana ang nalarot sa hiniusang pwersa sa kapolisan, PDEA-7 ug militar diha Sitio Guincamote sa Brgy. Capitan Claudio sa Dakbayan sa Toledo.
Nakasibat hinuon ang nagtanom sa maong Marijuana human nakabantay sa presensya sa kapulisan apan kini nailhan nga si Gerardo Allecer Ningue,49, maguuma nga nagpuyo sa lugar.
Ang maong operations natigayon human adunay madawat nga tips gikan sa concerned citizens may kalabutan sa presensya sa maong tanaman sumala pa ni Police Colonel Robert Limbawan, hepe sa Regional Intelligence Division (RID)-7.
Moabot 50 mil ka punoan sa marijuana ang nalarot atol sa maong operasyon.
Wala gisalindot ni Lingbawan nga tungod sa subsob nga operasyon batok ilegal nga drugas ug daghang nangasakmit nga shabu posibleng nikusog og balik ang demand sa marijuana maong daghan na sab ang nananom niini.
“Although kasi mahirap akyatin ang mga bulobundokin na yan,ang assessment namin is meron pa dyan na hindi pa namin ma tumbok-tumbok kasin napakalaki ng mga bukid na yan dyan sa taas,” pagtuo pa ni Limbawan.
Ang operasyon gihimo uban sa pakigalayon sa Regional Mobile Force (RMFB)-7, 2nd Provincial Mobile Force sa Cebu Police Provincial Office (CPPO) Armed Forces of the Philippines (AFP) ug Naval Forces Central. —Iris Hazel Mascardo/IBM (BANATNEWS)
- Latest