Motor vs trak, usa patay

CEBU, Philippines — Usa ang patay ug lima ang angol sa aksidente nga nahitabo sa National Highway sa Sitio Manoong, Barangay Don Pedro, Dakbayan sa Bogo  niadtong Miyerkules sa udto.

Ang nakalas mao si Nestor Arcipe, 39, usa ka truck helper ug residente sa Purok Matinabangon, Barangay Punta, San Remegio

Samtang ang mga naangol mao sila si Rexel Sinangote, 41, kinsa maoy nagmaneho sa motor, asawa niining si Ivy ug ilang anak nga 4-anyos, taga Purok Indian Tree, barangay Manyo sa San Remegio.

Ang ubang naangol mao sila si Judy Amistoso, 31, drayber sa cargo truck ug iyang pasahero nga si Justine Eral, 23, taga Barangay Guadalupe, Bogo City.

Matud pa ni Police Master Sergeant Joel Pino sa Bogo City Police Station, nag-una ang motor nga gisakyan sa pamilyang Sinangote sa dihang ni overtake ang cargo truck ug naigo ang motor. Nalamba ang motor apan nalimbuwad sab ang trak ug nalagpot ang truckboy nga gikamatay niini. —IBM (BANATNEWS)