CEBU, Philippines — Nipagawas og pahimangno ang Cebu City Treasurer’s Office (CTO) alang sa mga magbubuhis sa Siyudad sa Sugbo.
Ang siyudad nidasig sa mga magbubuhis sa pagbayad sa ilang Real Property Tax alang sa 2nd quarter karong tuiga sa dili pa moabot ang Hunyo 30, 2021 aron malikayan ang penalty.
Mahimo kini mga bayran online pinaagi sa “https://www.cebucity.gov.ph” o moanha sa CTO satellite office sa ikatulong andana sa SM City Cebu.
Aron mahatagan og higayon ang kadaghanan ilabi na kadtong nagtrabaho abli ang maong buhatan karong Sabado gikan sa alas 10:00 sa buntag hangtud sa alas 5:00 sa hapon.
Atol sa nagkadaiyang transaksiyon gipaniguro ang pagpatuman sa health protocols. —BDB (BANATNEWS)