Gahin nga P17.5M pagmintinar sa bike lanes gilakip sa budget
CEBU, Philippines — Nipasar ang Konseho sa Siyudad sa Sugbo og resolusyon aron malakip sa Local Government Support Fund (LGSF) ang budget alang sa pagmintinar sa bike lanes nga P17.5 million ug rehabilitasyon sa Fuente Osmeña Circle nga mokabat sa P7.5 million.
Subay usab kini sa request sa Sugbo Bike Lanes Board (SBLB) ug Parks and Playgrounds Commission.
Giawhag usab sa konseho ang executive department nga i-apil ang maong mga proyekto sa Local Development Investment Program ug Annual Investment Program sa siyudad.
Si Konsehal James Cuenco maoy nangamahan sa maong resolusyon.
Base sa Special Provision (SP) No. 1 sa LGSF of Republic Act No. 11518, pipila sa mahimong magamit sa LGSF mao ang rehabilitasyon sa public parks, botanical garden , bicycle lanes, bike racks, walkways , pedestrian footpaths ug uban pa.
Pipila sa rekisitos sa pag-endorsar sa budget mao ang napasar nga resolusyon sa Sanggunian Panglungsod. MEL (BANATNEWS)
- Latest