Drugas nga shabu mao ihapon ang labing gipangita
CEBU, Philippines — Nagpabilin nga mao gihapon ang labing gipangita nga iligal nga droga ang shabu sa Dakbayan sa Sugbo bisan pa og adunay pagkunhod sa demand supply basi sa pagsusi sa City Intelligence Unit.
“Ang number one man gyud is shabu gyud,”mao ang tubag ni Police Lt. Colonel Randy Caballes, hepe sa CIU sa pangutana kung adunay bag-ong nauso nga iligal nga droga sa syudad nunot sa gikatahong pagkunhod sa supply sa shabu.
Kahinumduman nga ang mga operating unit ubos sa Police Regional Office (PRO) -7 ug uban pang law enforcement agency nakasakmit og dili moubus sa 10 ka kilo nga gituohang shabu human nga na intercept ang mga suspetsado sa usa ka checkpoint sa Barangay Taptap Cebu City.
Kini usab human sila midagan gikan sa gipahigayong buy-bust operation sa Camp 4, Dakbayan sa Talisay niadtong miaging semana.
Suma pa ni Caballes nga mikunhod ang supply sa shabu human sa pagkasakmit sa napulo ka kilo nga shabu gikan sa tulo nga napatay nga drug suspect.
“Usa lang sya sa daghan nga grupo nga nag-operate,kana syang ten kilos,dili lang sya sa Cebu lang nga supply,apil na pud ana ang sa Province,”matod pa ni Caballes.
Mga pipila lang ka adlaw pagkahuman sa mao nga operasyon, kaniadtong Hunyo 16, 2021 nasakmit sa CIU ang dili moubus sa 171 sa lain pang kategorya sa iligal nga droga nga nailhan nga nubain gikan sa duha ka suspek nga nasikop. MEL (BANATNEWS)
- Latest
