Kwarta nakit-an sa usa ka sakop sa CT-TODA

CEBU, Philippines — Mokabat sa otso mil pesos nga salapi ang nakit-an sa sakop sa City of Talisay-Traffic Operation Development Authority (CT-TODA) didto sa Barangay Tabunok, Dakbayan sa Talisay niadtong Biyernes sa buntag.

Si Santiago Labagala, nadestino sa mall sa barangay Tabunok nga maoy nakapunit sa kwarta.

Wa mahibaw-i ni Labagala kun si kinsa ang tag-iya sa maong kwarta hinungdan nga iya kining gidala sa ilang buhatan.

Iya kining giturn-over ug ilang gisusi ang CCTV footage aron makit-an ang tag-iya niini.

Sa ilang Facebook Page ilang nakuha ang pamayhon sa tag-iya sa maong salapi.

Ilang giawhag ang tag-iya sa kwarta nga moadto sa ilang buhatan og magdala lang og ID aron pagmatuod nga mao kini ang tag-iya. MEL (BANATNEWS)