Kahayopan gibakunahan sa Talisay
CEBU, Philippines — Dili lang mga tawo ang gipangbakunahan karon kundili lakip na ang mga binuhing mananap sa mgaTalisaynon.
Si Bernie Quijano, city agriculturist sa Dakbayan sa Talisay nibutyag nga kada adlaw sila moduaw sa matag balay nga dunay binuhi nga baboy, manok, kanding ug baka.
Gipaubos sila sa deworming ug vaccination ingon man paghatag og bitamina ilabi na ning panahon sa ting uwan.
Asoy pa ni Quijano nga sud lang sa duha ka buwan halos mahuman na nila sa pagsuroy ang 22 ka barangay sa dakbayan.
Samtang unang harvest sa ilang giugmad ang gihimo sa garden nga nahimutang sa Talisay City Hall Compound.
Nakakuha sila og itlog ingon man tilapia gikan sa ilang mga binuhi ingon man mga utanon.
Tipik sa ilang ani gihatag sa Talisay City Youth Home ug crisis center.
Dugang pa ni Quijano nga matag semana sila magkuha unya sa tilapia aron ipanghatag sa maong mga pasilidad.— MEL (BANATNEWS)
- Latest