68 ka sakyanan gi-clamp sa CCTO tungod sa illegal parking

CEBU, Philippines — Mokabat sa 68 ka mga sakyanan ang gi-clamp sa Cebu City Transportation Office (CCTO) sa miaging gabii gumikan sa illegal parking.

Suma pa sa CCTO nga ang uban nila nga operasyon nagbase usab sa daghang reklamo nga ilang nadawat gikan sa mga concerned citizens.

Nasayran nga pipila ka mga indibidwal ang nahasol sa mga nagbabag nga sakyanan diha sa daplin sa karsada ug wala na kaagwanta sa kasamok niini.

Ang mga lugar nga gihimoan og operasyon sa CCTO mao ang BarangayTisa (Rivaridge-Diamond, Emerald, Torquise, Mohon 1, Mohon 2, Tisa South Hills, Manggahan, Kabungahan) , Punta (Taurus St.) ang Buhisan, Basak San. Nicholas (Rama Compound, Bontoris St.., Sal. ing St.), sa Quiot (Talavera) ug Basak Pardo (Bayanihan).

Ang multa sa na-clamp nga mga sakyanan moabot og P 1,500, wala pay labot sa nangaging kalapasan nga nabuhat niini. —MEL (BANATNEWS)