Laing establisamento gipadalhan og show cause order
CEBU, Philippines — Usa na usab ka establisamento ang nakadawat og show cause order tungod sa paglapas sa health protocols.
Si Konsehal Joel Garganera, deputy chief implementer sa Emergency Operations Center nagkanayon nga ang Business Permit and Licensing Office pinangulohan ni Atty. Jared Limquiaco uban sa kapolisan nipahigayon na og imbestigasyon batok sa F Bar sa 88th Avenue. Giingong nasabtan ni Garganera nga tungod sa pagbundak sa uwan niadtong higayona hinungdna nga nagdasok ang mga tawo sa lugar.
Apan ang maong establisamento kinahanglang adunay andam nga lakang sa samang hitabo.
Gawas sa isyu sa social distancing gipakita usab sa video ang mga tawo sa palibot nga walay mga face mask.
Matud ni Garganera nga ang mga customer nga nakalapas sa health protocols kinahanglan usab kining silotan.
Sa post sa facebook page sa F Cafe & Bar nipasabot kini nga higpit nila nga gisunod ang health protocols ug nagpahimangno usab sila sa ilang mga kustomer nga dili kalimtan ang pagsul-ob og face mask, social distancing ug ingon man ang regular nga pagpanghugas sa ilang mga kamot.
Ang kapolisan padayon usab karon sa pag-monitor sa nahisgutang establisamento. Iris Hazel M Mascardo/BDB (BANATNEWS)
- Latest
