Talisay nahimong mananaug sa Sugbusog Program
CEBU, Philippines — Nakakuha sa ikaduhang ganti ang Dakbayan sa Talisay sa gihimong Sugbosog Program ni Gobernador Gwendolyn Garcia.
Ang programa sa gobernadora mao ang pag aghat sa mga tawo nga mananom samtang naigo sa pandemya.
Si mayor Gerald Anthony “Samsam” Gullas nalipay ug nagpasalamat sa gobernador kay gumikan sa programa nga iyang gipasiugdahan nakat-on sab ang Talisaynon sa pagpananom bisan paman og backyard o urban nga paagi.
Si Nancy Alcoseba, purok lider sa Barangay San Isidro nibutyag nga ang pagpananom ang ilang alternatibong paagi nga malingaw matag adlaw samtang naa sa panahon sa pandemya.
Siya nitataw nga nalingaw na sila makakaon pa sa ilang gipangtanom.
Matud pa ni Bernard Quijano, Officer In Charge (OIC) city agriculturist sa Dakbayan nga gawas nga makatabang sa pagpakaon ang pagpananom mas sustansyado sab kini.
Ang ilang urban ug backyard gardening nagpadayon, gani ang uban dili lang kunsomo ang utanon kundi mahimo sab nila ikabaligya sa nagkinahanglan. —MEL (BANATNEWS)
- Latest