Bakuna sa baboy batok ASF gihimo na sa Amerika
CEBU, Philippines — Gibutyag ni Secretary William Dar sa Department of Agriculture nga adunay duha ka bakuna batok sa African Swine Fever (ASF) nga gi-develop karon didto sa Amerika.
Ang maong mga bakuna gilauman sa DA nga magmalampuson aron ma solusyonan na ang problema sa ASF nga usa usab sa nakita nga problema karon sa nasod.
“See this is as a light at the end of the tunnel. Hopefully with this vaccine, properly tested, if proven effective, we will have a nationwide vaccination program” matud ni Dar.
Gawas sa duha ka bakuna nga gi-develop didto sa Amerika, aduna usab duha ka anti-viral product nga gi-develop sa mga Filipino karon, “under testing as well, pag nakita na natin na may signs. While the vaccination is done, ma disinfect with this two anti-viral product” sumala sa secretary sa DA.
Sa pagkakaron samtang wala pay bakuna batok ASF, ang DA nagpahigayon og “augmentation” sa supply sa baboy gikan sa ubang nasod aron nga mapun-an ang 26% nga supply shortage sa nasod, particular na didto sa Manila nga maoy nakatala na og daghan kaso sa ASF.
Si Dar nagkanayon nga hinoon, kon itandi sa unang upat ka bulan sa tuig 2020, niubos na og singkwenta porsyento ang kaso sa ASF sa Pilipinas sa unang upat ka bulan sa tuig 2021. —MEL (BANATNEWS)
- Latest