Nakalapas sa trapiko sa siyudad ningminus
CEBU, Philippines — Ningminus ang gidaghanon sa traffic violators sa buwan sa Mayo kumpara sa Abril ning tuiga.
Ang Cebu City Transportation Office (CCTO), nakaisyu og 14,009 ka citation tickets sa tibuok buwan sa Mayo, samtang sa buwan sa Abril nakatala og 15,737.
Moabot sa 440 ka motorsiklo ang na-impound sa buwan sa Mayo, 97 ka e-bike, 42 ka trisikol, 16 ka truck, 2 ka trisikad ug 731 usab ang na -clamp nga mga sakyanan.
Kasagaran sa kalapasan mga motorista mao ang way rehistro sa mga sakyanan, way lisensya, dili pagsunod sa traffic signs ug uban pa.
Samtang 7 ang nasikop sa nagkadaiyang operasyon ug miabot sa 89 ka indibidwal ang nadakpan gumikan sa kalapasan sa lagda sa trapiko kagahapong adlawa sa Dakbayan sa Talisay.
Sa gihimong Synchronized Enhanced Police Operation sa kapolisan, 2 ang ilang nasikop sa ilegal nga sugal samtang upat nasikop pinaagi sa warrant of arrest, ug 2 usab ka tawo ang misurender sa ilang armas. —Gabriel C. Bonjoc/MEL (BANATNEWS)
- Latest
